Informoj kaj esperanto-muzik-novaĵoj.
Pri muziko en esperanto.

EUROKKA estis kreita en 1988, kaj en 1991 fariĝis fakasocio de TEJO kaj de tiam ankaŭ aperas en la listo de fakasocioj en la jarlibro de UEA.
La agadkampo de EUROKKA estas tutmonda celante disvolvi kaj disvastigi en la Esperanto-movadon sed ankaŭ ekster ĝi Esperanto-muzikan kulturon, la muzikbandojn kaj artistojn kiuj kantas Esperante.

EUROKKA rolas kiel kunordiganto en la Esperantaj muzikmedioj: rokenrolo, popmuziko, folko, ĵazroko, afroroko, regeo, skao, hiphopo, repo, elektronikmuziko, subgrundaj muzikoj, mondmuziko, metalo, ktp… ĝis malrokmuziko!

EUROKKA helpas organizantojn por starigi muzik-programon por esperanto-aranĝoj, kongresoj kaj festivaloj.

EUROKKA helpas esperanto-artistojn por programado en esperanto-aranĝoj kaj produktadon de muzikprojektoj...

EUROKKA kreis la diskeldonejon, produktejon, kaj distribuejon VINILKOSMO *Esperanto-Muzik-Prod.*, kaj la Esperantan muzikmagazinon ROK-gazet’ en 1990.

En 2016 estis kreita la ABONKLUBO kunlabore kun Vinilkosmo

La ABONKLUBO donas aliron al la kompleta katalago de Vinilkosmo ĉe la justa elsendfluejo Divercities Music (diMusic) platformo de la federacio de sendependaj eldonejoj (aliron al la katalogoj de 75 000 sendependaj eldonejo kun 400 000 artistoj el la tuta mondo kaj 7 milionoj da titoloj).

Por aliĝi al la ABONKLUBO : http://frama.link/abonklubo